බටහිර ඉන්දීය කොදෙව් දූපත් සබටහිර ඉන්දීය කොදෙව් දූපත් සමූහයට අයත් බාබෙඩෝස් රාජ්‍යය බ්‍රිතාන්‍ය කිරීටයේ පාලනයෙන් මිදීමට කටයුතු කළේය. ඒ අනුව එරට ජනරජයක් බවට පත්ව තිබේ.  එරට රාජ්‍ය නායකයා ලෙස ජනාධිපතිවරයෙක් ව පත්කර ගැනීමට කටයුතු යෙදිණි. ඒ අනුව එරට පළමු ජනාධිපති ලෙස සැන්ද්‍රා මේසන් ව තෝරා පත්කර ගැනුණි. ඒ අනුව බ්‍රිතාන්‍ය රැජින තම නායිකාව ලෙස සැලකීම මෙතැන් සිට සිදුනොවේ. බාබෙඩෝස් දූපතට පළමුවෙන් බ්‍රිතාන්‍ය වෙළෙඳ නැව් පැමිණ ඇත්තේ මීට වසර 400කට පමණ පෙරය. මධ්‍යම රාත්‍රී 12 කණිසම එළඹීමත් සමගම එරට අගනගරය වන බ්‍රිජ්ටවුන් හි චැම්බලේන් පාලම මත සිටින දහස් ගණනක ජනතාව ප්‍රීති ඝෝෂා කරමින් නව  උපත සැමරීය. "වීරයින්ගේ චතුරශ්‍රයේදී" එරට ජාතික ගීය ගායනා කරමින් එම අභිමානවත් මොහොත සැමරීමට තවත් විශාල පිරිසක් එක්ව සිටියහ. 300,000ක පමණ ජනතාවක් වෙසෙන බාබෙඩෝස් රාජ්‍යය, එක්සත් රාජධානියෙන් 1966දී නිදහස ලැබීය.